yüklənir
2-08-2017, 15:37 от Naila

Akademik Milli Dram Teatrı beynəlxalq festivala hazırlaşır / Filmlər

Sabirabad Layf Jurnalı AZƏRTAC-ın istinadı ilə, xəbər verir ki, avqustun 2-dən 8-dək Bolqarıstanın Varna şəhərində keçiriləcək Beynəlxalq Monotamaşalar Festivalında ölkəmizi Azərbaycan Dövlət Akademik Milli Dram Teatrı təmsil edəcək.
Bu barədə AZƏRTAC-a teatrın mətbuat xidmətinin rəhbəri Cavid Zeynallı məlumat verib. Onun sözlərinə görə, festivalda rejissor Anar Sadıqovun Əməkdar Artist Ayşad Məmmədovun “İuda” monopyesi əsasında hazırladığı tamaşa nümayiş olunacaq. Səhnə əsərində Ayşad Məmmədov özü çıxış edəcək. Tamaşanın rəssamı Əməkdar Mədəniyyət İşçisi İlham Elxanoğlu, işıq üzrə rəssamı Rafael Həsənov, rejissor assistenti Firuzə Balayevadır.
Qeyd edək ki, festivalda Rusiya, Ukrayna, İsveçrə, Gürcüstan, Kanada və digər ölkələr təmsil olunacaq.

AZƏRTAC

Baxılıb: 817
Şərhlər: 0

0 şərhlər

Bu məqaləyə şərh yazılmayıb. İlk sən yaz!


Mesaj saxlamaq